JavaScript is not enabled!...Please enable javascript in your browser

جافا سكريبت غير ممكن! ... الرجاء تفعيل الجافا سكريبت في متصفحك.

recent
اخبار عاجلة
الصفحة الرئيسية

ننشر طلب وخطوات التصالح في مخالفات البناء والاوراق المطلوبة




ننشر طلب وخطوات التصالح في مخالفات البناء والاوراق المطلوبة 
على من سيتوجه للتقديم للتصالح بمخالفات البناء عليه اتباع التالى
١- التوجه للحي تفتح ملف بصورة بطاقة المالك و ورق الملكية . 
٢ - خلال أسبوعين من تاريخ الملف لابد من استيفاء باقي المستندات طبقا للمادة ٣ من القانون  . 

المستندات المطلوبة 
١. أصول وصور ضوئية لمستندات الملكية. 
٢. رسم هندسي ( معماري وإنشائي ) معتمد.
٣. تقديم ما يثبت الحاله الإنشائية للعقار ( دي إسمها شهادة سلامة إنشائية ودي ملف فرعي بيعملهولك مهندس... بيبقي فيه اللوائح والنوته الحسابية وتقرير التربة وشهادة السلامة نموذج ٢ ب وشهادة سلامة عليها علامة مائية لنقابة المهندسين وحاجات تانية بيجهزها المهندس والملف ده بيدخل نقابة المهندسين يعتمد بالكامل وبتدفع كمان رسوم دمغه للنقابة ٤.٥ ف الالف من قيمه الاعمال  للمنشأت من اول ٢٠١٥ 
٤. إيصالات مرافق ( مياه - غاز - كهرباء ) ودي عشان تثبت تاريخ المخالفة. 
٥. في حالة عدم وجود إيصالات مرافق يتم إرفاق أي مستند يدل علي العقار وتاريخ المخالفة ( شهادة مشتملات - محضر مخالفه - تصوير جوي ).
٩. توكيل رسمي في حالة وجود محامي ( ودا أفضل طبعا جداً ) 
١٠. صورة ضوئية من بطاقة المالك 
١١. ملف كارتون

بعد تقديم الملف يتم دفع رسوم الفحص وانتظار لجنة السلامة الإنشائية لتحديد موعد معاينة العقار بحضور مندوب من وزارة الداخليه 
بعدها قد تطلب اللجنه مستندات هندسيه وفقا لحالة المبنى او تصدر تقريرها مباشرة 
بعدها يصدر تقرير نهائي للمصالحة بقبولها وتحديد قيمة الغرامة طبقا لكمية المخالفات للمتصالح او تقوم برفض التصالح في عدم إستيفاء شروط السلامة أو بتخفيف المبني أو تدعيم المنشأ من الآخر بيشوفوا إيه الحل ويطلعولك تقرير وتقدير للمبلغ المطلوب
رسوم الغرامة 
لتقدير رسوم الغرامه وفقا لـ 
١- مساحه المخالفة ( مساحه الارض في عدد الأدوار )  
مثال ... يعني لو أرض ١٠٠ متر طالعة ١٢ دور سكني ودور إداري ودور تجاري 
تبقي المخالفه بتاعتك 
..... ١٢٠٠ متر سكني 
.... ١٠٠ متر تجاري 
.... ١٠٠ متر اداري 
٢- المنطقه اللي المنشا موجود فيها هل قرية أم مدينة علي شارع رئيسي ولا لا 
دا بيحدد سعر متر المخالف والتسعير دا بينزل فالجريدة الرسمية بقرار من المحافظ لكل محافظة 
تشوف سعر متر منطقتك كام فالاداري والتجاري والسكني وتضربه فالمساحه يطلعلك قيمة المخالفة 
مثال .. لو انت ساكن فالاسكندريه حي منتزة أول او ثان قبلي وعلي شارع جانبي سعر المتر بيكون ٤٥٠ج سكني 
٨٠٠ تجاري 
٦٠٠ إداري 
تبقي غرامتك ( ٤٥٠ ×١٢٠٠ + ٨٠٠ × ١٠٠ + ٦٠٠×١٠٠ = ٥٤١٤٠٠ج ) دا الا إذا كان في غرامات أخرى علي العقار .
لحد كده تمااام.....
نظام الدفع بقي بيكون ٢٥% والباقي بيتقسط علي ٤ سنوات يعني علي المثال بتاعنا 
هتدفع ١٣٥٣٥٠ ج مقدم 
و ١٠١٥١٢.٥ ج سنويا 
وأخيرا فالتصالح بيكون كالأتى : 
١- تقديم طلب تصالح بصورة البطاقة وصورة عقد البيت و بعض المستندات الأخرى المذكورة بالقانون .
٢- بعد تقديم طلب التصالح و دفع رسم الفحص بيتم تسليمك شهادة تفيد تقديم ملف التصالح و بموجبها يتم إيقاف الإجراءات ضد المخالف و إيقاف تنفيذ الإزالة و إيقاف تنفيذ الأحكام فى حالة وجود أحكام و ذلك لحين البت فى ملف التصالح .
تنبيه آخر موعد لتقديم التصالحات يوم  2020/9/30 



ننشر طلب وخطوات التصالح في مخالفات البناء والاوراق المطلوبة

عاجل agel

سجل سيرتك الذاتيه واحصل على وظيفه مناسبه مع بيت كوم
تعليقات
    ليست هناك تعليقات

      الاسمبريد إلكترونيرسالة

      Slider