شاب يتعرض لنصب الكترونى قام بشراء هاتف ليتفاجأ بطوب بدل الموبايل وراح عليه 4300 جنيه
في تجربة شراء من أحد المتاجر الشهيرة على الإنترنت، تعرض عمر منصور بمنطقة المرج وهو أحد مستخدمي المتجر الإلكتروني لعملية خداع الكترونى حيث انه ام بشراء موبايل حديث عبر متجر الكترونى شهير وعندما فتح "الأوردر" تفاجىء بوجود طوب بدلاً من الهاتف وقام بتقديم شكوى بجهاز حماية المستهلك وداخل الشركة، انتهت بـ "إرجاع الطلب غير صالح".
وقال عمر "لقيت عرض على التليفون وبسعر أرخص من المحلات فقلت الحق واشتريه واستلمته بعد أسبوع وبفتح علبة التليفون لقيت بدل التليفون طوب اضايقت جداً ساعتها واتحرق دمي قالوا لي اعمل طلب مرتجع" ويوم 7 يوليو تم بالفعل تأكيد طلب الارتجاع وتسلم "الأوردر" الوهمي ووعدونى برد قيمة الهاتف إلى حسابه بعد 3 أيام من إرجاع المنتج ولكن فوجئت ان "مجاش أي حاجة وبعد 12 يوم لقيت الشركة باعتت لي وبتقولي أن الطلب غير صالح ومش هيرجعوا الفلوس، اشتكيت لجهاز حماية المستهلك وتحرك فعلا وتواصل مع الشركة بس كده تم غلق الشكوى". وطبقا لكلام "عمر" فتجربة التسوق عبر الإنترنت من أسوأ التجارب التي مرّ بها، ولا ينوي تكرارها: "بعد ما اضحك عليا وفلوسي راحت وبقيت بسأل الناس على الفيسبوك لقيت إن مش أنا العميل الوحيد اللي حصل معاه كده واتنصب عليه وكمان مخدش الفلوس بتاعته رغم أنها شركة كبيرة جداً واللي ضايقني أن مفيش مبرر قوي وصريح عن اللي حصل ده وراح عليا 4300 جنيه" و لا يزال الشاب يحاول التواصل مع الشركة لمحاولة استراجاع مستحقاته: "بس أخد فلوسي ومش هشتري من عندهم أي حاجة تاني".
