JavaScript is not enabled!...Please enable javascript in your browser

جافا سكريبت غير ممكن! ... الرجاء تفعيل الجافا سكريبت في متصفحك.

recent
اخبار عاجلة
الصفحة الرئيسية

طبيبة تهاجم مشالى " لايمت للطب بصلة لاممارسة ولاعيادة صح ولامظهر لائق والإعلام بيظهره كأنه أبوقراط"بلاش نفاق وتهليل زي البهاليل




طبيبة تهاجم مشالى " لايمت للطب بصلة لاممارسة ولاعيادة صح ولامظهر لائق والإعلام بيظهره كأنه أبوقراط"بلاش نفاق و تهليل زي البهاليل 
نشرت الدكتورة حنان السكرى اخصائى التوليد وأمراض النساء والعقم عبر صفحتها على فيسبوك انتقادات حادة للدكتور محمد مشالى طبيب الغلابة. بقولها "د.مشالي فوق راسي لكنه لا يمت للطب بشيء و لا له أى علاقة بالممارسة الصحيحة .ولو وزارة الصحة راحت عيادته علشان تعمل تفتيش ضروري تقفلها وتمنعه من ممارسة المهنة والعمل بالطب، لأن عيادته دي تخالف المواصفات الخاصة بالترخيص من ناحية النظافة والتعقيم واحتياطات مكافحة العدوى ، ولو نقابة الأطباء عملت تفتيش ولقيت طبيب بتاع كله، يعني بيكشف أطفال وهو موش متخصص أطفال، وبيكشف باطنة وهو موش متخصص باطنة، وبيعمل تحاليل بأجهزة بدائية موش بتظهر الميكروب صح وهو موش متخصص تحاليل، هتوقفه عن العمل فوراً وممكن يتشطب من النقابة".
وأضافت "و د.مشالي لما رفض مساعدة غيث دى موش بطولة ولا جدعنة ولا كرامة وكبرياء، ده غلط وضد مصلحة الفقرا والغلابة اللى بيعيش علشانهم زى ما بيقول لو عاوز يخدمهم صح يوافق على تجديد عيادته اللى متمسك بيها وسط الغلابة يوقف الشغل كام يوم ويفضي كل حاجة فيها والجرايد اللى من أيام الملك واللي حاططها جانبه كأنها مراجع طبية وأكيد كلها تراب وميكروبات وعفن ويحط الميكروسكوب الغريب اللى لازقه بشيكرتون في المتحف ولما يحب يعمل تحليل بول لحد يبعته لمعمل محترم يكون بيعمل خير برده ومجاني".
وتابعت: "لما هو يقدر يلبس كويس ليه يلبس مبهدل ويبقى مظهره غير لائق كإنسان موش هأقول كدكتور؟
يعني لا ممارسة ولا عيادة صح ولا مظهر لائق والإعلام عمال يظهره كأنه أبوقراط"!
ولاقت تلك التصريحات انتقادات حادة من متابعين مواقع التواصل الاجتماعى 
وذكرت حنان بعد وفاه الدكتور مشالى بأيام" رجع الإعلام يمجد فيه سواء قنوات فضائية أو مواقع صحفية على النت ده غير بيان رئاسة الوزراء و الوزارة و غيره و غيره الله يرحمه و يغفر له .. 
لكن بأرجع و أقول إن ممارسته للطب كانت خاطئة و فعل الخير له شروط و ممارسة الطب ليها شروط"
واضافت  ممكن يعمل عيادة للأغنياء يدفعوا فيها و يعمل كشوف للفقراء ببلاش بس تكون عيادة نضيفة و مجهزة و عنده إمكانيات تشخيص صح ..
و إلا هتلاقوني بكرة الصبح لابسة جلابية مبعقة و مقطعة و مأجرة مكان في منطقة شعبية في بدروم تحت السلم و جايبة شوية ألات مصدية و من غير جهاز تعقيم و ميكرسكوب إسود و لا سونار و لا سماعة جنين و كله بالبركة و مكتب خشب مسوس و أكشف على بناتكم و ستاتكم بنفس الألات بعد ما احطها في شوية مطهر و خلاص و لا أشطفها بشوية مية و أشتغل نسا و أطفال و باطنة و تحاليل و جلدية و أنف و أذن و رمد و كله على كله ، بكشف ب 10 جنية و الناس هتبقى طوابير على العيادة و يجي لي في اليوم 200 كشف كل كشف ياخد مني 10 دقايق في السريع في 10 جنية يبقى 2000 جنية في اليوم يا اذكيا 😂😂😂
الحق حق و ربنا هو إللي هيحاسب كل واحد لكن حبيت أقول لكم بلاش نفاق و تهليل زي البهاليل 
الرسول صلى الله عليه وسلم قال إن الله يحب إذا عمل أحدكم عملاً أن يتقنه والنظافة من الايمان. 
طبيبة تهاجم مشالى " لايمت للطب بصلة لاممارسة ولاعيادة صح ولامظهر لائق والإعلام بيظهره كأنه أبوقراط"بلاش نفاق وتهليل زي البهاليل

عاجل agel

سجل سيرتك الذاتيه واحصل على وظيفه مناسبه مع بيت كوم
تعليقات
    ليست هناك تعليقات

      الاسمبريد إلكترونيرسالة

      Slider