لجميع الحاصلين على شقق وزارة الاسكان شرح مبسط لطرق السداد والمقدم وطريقة وتوقيت دفع الاقساط بالمحافظات
لكل الاعضاء الذين تم قبولهم بشقق وزارة الاسكان بمشروع الاسكان الاجتماعى لامتلاك شقه سكنية ثلاث غرف وصاله بالمدن الجديدة لجميع المحافظات ، يجيب فريق خبر عاجل على جميع الاسئلة والاستفسارات عن كيفية السداد والمقدم واحقيه الحصول على الوحده السكنية والدعم المقدم كالتالى :
1- الشقق دي بنظام التمويل العقاري وفيه بنوك كتير شغالة بالنظام ده وفي المشروع ده فيه اربع بنوك هي
( بنك التعمير والاسكان - القاهرة - مصر - البنك الاهلي المصري ) وفيه اسماء وصلت للبنوك الاربعة دي كل بنك 100 اسم لو حضرتك اسمك طلع من ال 9600 الي قبلوا ممكن تروح اي بنك منهم وبالبطاقة بتاعتك هتعرف انت اسمك وصل البنك ولا لسه .
وكل اسبوع او 10 ايام هتوصل دفعات اسماء تاني للبنوك دي والمفترض ان اي حد ليه اولوية وهيستلم شقة هتوصله رسالة علي موبايله بكده وفي العموم تقدر تتابع البنوك دي مرة كل 10 ايام وتشوف اسمك وصل ولا لا ....
وعلشان الناس متتعبش الي مجالوش موظف الاستعلام يبقي لسه بيبحثوا الملف بتاعه في التمويل العقاري وهيجيله الاستعلام .....
الحاجة التانية ان الاولي هو المتزوج ويعول فرصته اكبر من المتزوج بس والاخير فرصته اكبر من الاعزب في الشقق الموجودة دلوقتي .
2- فيه دعم من الدولة للشقق 25 الف جنيه في حالة ان دخل الفرد مش اكتر من 1500 جنيه ولو دخله زاد الدعم بيقل ( ملحوظة دخل الشخص الي مقدم علي الشقة مش دخل الاسرة كلها يعني لو واحدة مقدمة دخلها 1500 جنيه وجوزها دخله 10 الاف هتحصل علي الدعم كامل 25 الف جنيه ) يعني العبرة بدخل الي مقدم علي الشقة فقط .
3- ثمن الشقة الاجمالي 154000 هنخصم منه 9000 الي حضرتك دفعتها وهنخصم كمان 25000 جنيه دعم الدولة يبقي اجمالي الواصل للبنك 34000 جنيه هيبقي الباقي علي تمن الشقة 120000 جنيه حضرتك مطلوب منك تسدد 15% من المتبقي ده يعني في حدود 20 الف جنيه والقسط الشهري الثابت 785 جنيه علي 20 سنة قسط شهري ثابت شامل اضافة الفائدة ال 7% عليه .يعني القسط هيفضل زي ماهو من اول شهر لحد اخر ال 20 سنة .( بمعني ان القسط كان اقل من كده بس باضافة الفوائد اصبح بالمبلغ ده ) .
لو خلصت اجراءات البنك ودفعت المقدم المطلوب بكده هيتخصصلك شقتك ولما تيجي تستلمها هتدفع 5% وديعة صيانة للعمارة هتتحط في حساب العمارة للانفاق عليها .
يعني لو دفعت 20 الف دلوقتي القسط هيكون 785 جنيه ثابتة .
ولو دفعت مقدم اكبر طبعا قيمة القسط هتقل .
لو دخلك اكتر من 1500 جنيه الدعم هيقل يعني مش هتاخد ال 25 الف جنيه الدعم كلها .
لو بعد سنة او اتنين عاوز تكيش الباقي عليك هيتم خصم كل الفوائد المتبقية .
لو بعد سنة او اتنين عاوز تكيش الباقي عليك هيتم خصم كل الفوائد المتبقية .
ينفع تدفع من اول 20 الف جنيه وزي ما تقدر كله هيفرق في القسط .
لو نظام السداد ده مش هيناسب حد يقدر بموجب الايصال الي دفع به ال 9000 وبطاقته الشخصية يسحب المبلغ بالكامل من شباك بنك التعمير والاسكان وهو واقف .
