عمرو اديب عن هزيمة الزمالك " "ناس جت وناس راحت وثورات جت وثورات راحت ولاعيبة جت ولاعيبة راحت والأهلى لسة بياخد الدورى"
انتهت مباراة نادى الزمالك واسوان بفوز نادى اسوان ليتم تتويج نادى الاهلى كبطل للدورى وقد علق الإعلامي عمرو أديب على فوز النادي الأهلي بالدوري للمرة الـ 42 قائلا: "الزمالك أهدى الدورى للأهلي قبل معاده مضيفا تقريبا " قالك أنتوا لسة هتلعبوا وتضيعوا وقتكوا لا خدوا الدورى من دلوقتي وبالمناسبة الجون اللي جه في الزمالك جون حلو أوي وجون ملعوب بصراحة".
وعلق عمرو "أنا هموت بس لازم أقول مبروك للنادى الأهلي لحصوله على الدوري، الأهلي خد الدوري بشكل تراجيدي بصراحة، والزمالك مخسرش من فرقة كبيرة لا ده خسر من نادي أسوان، والأهلي بيفوز بالدوري زى كل سنة على طول، والزمالك بيمر بوقت صعب بسبب رحيل المدرب وتولى مدرب جديد تدريب الفريق وهو الكابتن طارق يحيى"
وأضاف عمرو أديب "ناس جت وناس راحت وثورات وثورات راحت ولاعيبة جت ولاعيبة راحت والأهلى لسة بياخد الدورى، والزمالك فشل حتى في التعادل مع أسوان".