جاءت بعض التعليقات من طلاب الصف الثالث الثانوي بشعبة علمي رياضة حاملة شكوي بـ صعوبة امتحان التفاضل والتكامل اليوم ١٩ يوليو ٢٠٢٠ وكان وسط اجراءات امنية مشددة
الطالب اسماعيل طارق بالصف الثالث الثانوي تحدث قائلا "إن امتحان التفاضل والتكامل جاء صعب وفوق مستوي الطالب المتفوق"
وجاءت شكوى الطالبة منال احمد قائلة " ان الامتحان صعب وطويل الامتحان كان نار"
وتحدثت الطالبة ريهام محمود "ان الامتحان كان غامض ماكنش يتحل بسهولة ومحتاج اكثر من ساعتين "
اراء بعض الطلاب على مواقع التواصل الاجتماعي
عبدالله عادل : الامتحان صعب وطويل كنا فاكرين أنه هيجى من كتاب المدرسة حرام عليكم ربنا ينتقم من اللى حاطط امتحان الرياضة صعب وطويل والوقت مش كافى منه لله وحسبى الله ونعم الوكيل فى انتم بتنتقموا مننا ليه مايكنشى الامتحان من كتاب المدرسة ويكون الاسءلة بسيطة
Cherine William: الامتحان صعب جدا حرام عليكم و اللي حاطط الامتحان و مترجم باللغه الفرنسيه فيه سوءال غلط يا رَيَّت بجد حد يرحمنا من الارف ده
Moamen Essam :حسبي الله هو لإما يحط امتحان في سؤال غلط يإما يحط امتحان صعب جدا والله ربنا يسامحهم على العك اللي بيعملوه معانا ده
Eman Elbadrawy :حسبي الله ونعم الوكيل اشمعنا علمي رياضة بتعملوا فيهم كده
Shimaa Elatawy: روحو حسبنا الله ونعم الوكيل فيك ياللي حاطط امتحان التفاضل
Youssef HaZo: حسبي الله ونعمه الوكيل ..حسبي الله ونعمه الوكيل ...حسبي الله ونعمه الوكيل امتحان زي الزفت مفيش وقت ومش عارف تحل وكل حاجه وحشه
Ziad Negm : ليه يجيب امتحاان صعب وهو عارف ان معظم الطلاب مراجعتش كويس واتسوحنا ف 3 شهور
Mohamed Ezat : مفيش حاجة من كتاب المدرسة في حوالي ٤ اسئلة اول مرة نشوفهم حسبي الله ونعم الوكيل
Jo Etthadawy :حسبي الله ونعم الوكيل مفيش اي تكافؤ فرص ولا اي نيلة امتحانات سهلة ومتوسطة لادبي وعلمي علوم ورياضه هما الي طالع ميـ........
روني السيد : حسبنا الله ونعم الوكيل صعب طويل تبقي الرياضه ساعتين ومواد العلمي والادبي تلات.ساعات ولا حد مهتم منهم لله
Abdul-latif Alaa :بجد صعب اوي والي كان بيزاكر من كتاب المدرسة اتفشـ............... حرفيا !
Mohamed Ali :الفرع ده مبيرحمش والفكره ان مش مستوي الامتحانات بيكون صعب هو الي فرع ميتفهمش ولا يتلم بس بيخدعك انك فهمته
ندا العمر : ليه جابوه صعب وفي نفس الوقت الغش شغال في معظم اللجان وتسريب على التليجرام
Omar Emad : الامتحان فيه سؤال ملوش اجابة في الاختيارات زي الديناميكا
وقالت عبير أحمد :مؤسس اتحاد أمهات مصر للنهوض بالتعليم إن إمتحان التفاضل والتكامل لطلاب شعبة علمي رياضة بالثانوية العامة جاء صعبا ويحتاج وقت أطول
إن عدد كبير من الطلاب وأولياء أمورهم يشكون من صعوبة إمتحان التفاضل والتكامل موضحين أن هناك إجماع علي صعوبة أسئلة الإمتحان وأنه يحتاج لوقت أكبر من الوقت المخصص للإمتحان
كما اكدت غرفة العمليات المركزية بـ وزارة التربية والتعليم بالفعل تم رصد ٣ حالات غش الطالب ( م أ أ ) بمحاولة غش ونشر على مواقع الانترنت في مادة الجيولوجيا والعلوم البيئية بإدارة براني بمحافظه مطروح والطالب ( ش أ س ) بادارة الجمالية بمحافظة الدقهلية غش عن طريق الهاتف المحمول في مادة التفاضل والتكامل والطالب ( أ أ ك ) بادارة ابوتيج بمحافظة اسيوط غش بالمحمول والنشر على مواقع الانترنت وتم عمل محضر بالواقعه واحالتها للشئون القانونية
