7/02/2019


لجمبع المعلمين المرشحين للترقيه " سؤال وجواب " للاجابة عن كل تساؤلات المعلمين عن الترقيات والتدريبات والامتحانات ومحتواها

ينشر خبر عاجل حصريا جميع الاجابات لاسئلة المعلمين الخاصة بالترقيات 2019 وفيما يلى سؤال وجواب لكل مايتعلق بالتدريبات والامتحانات والترقيه بجميع المحافظات على شكل سؤال وجواب كالتالى :
1 - مين الدفعه اللى هتترقى ؟ وهل اللى ضم وبقا تاريخ التعيين 2013 يترقى ؟ 
الدفعه اللى هتترقى اللى تاريخ التسكين على  الكادر 2013 مش تاريخ التعيين لان الترقيه من تاريخ التسكين على الكادر خمس سنوات 
2 - دفعة 2014 الترقيه بتاعتها امتا لاننا فات على تاريخ التسكين 5 سنوات ؟
بعد انتهاء دفعه 2013 تبدأ 2014
3 - اللى فى اجازة رعاية طفل وجالها اخطار هل لازم تقطع الاجازة ؟
اه لان هتقدم ورق فى ملف الترقيه انها على راس العمل وبالتالى لو ماقطعتش الاجازة لن تترقى ولن يقبل الملف ليها 
4- هل نتيجة الاختبار هتظهر مباشره ؟
ستصدر شهادة نجاح موثقه للناجحين من الاكاديمية وهتتقدم فى الملف للترقيه وقت تقديمه 



5 - هل فيه نجاح ورسوب بالاختبار ولو لاقدر الله رسب هيحصل ايه ؟
اه طبعا الامتحان فيه نجاح ورسوب ولكن ان شاء الله الامور بسيطه ولو لاقدر الله رسب فيه اعادة وماحدش يقلق 
6 - عايزين نغير وقت او ميعاد التدريب او الاختبار لظروف حج او سفر او وضع او او .... ينفع ونعمل ايه ؟
اللى عايز يغير لسبب طارئ يتوجه للاكاديميه وان شاء الله يغيرله عادى 
7 - اللى جاله تدريب وعايز يدخل الاختبار فقط يعنى عايز يغير من وجها لوجه الى اون لاين ينفع ولا لأ ؟
اه عادى ينفع ماياخدش التدريب بس لازم طبعا يروح الامتحان 
8 - اللى عنده امتحان يوم الملاحق يعمل ايه ؟
يروح الامتحان الالكترونى لان الامتحانات مسائى بعد 11 
9 - اللى نازله اخطار مش مذكور فيه الساعه كام يروح امتا ؟ 
يروح اليوم المحدد الساعه 11 وان شاء الله حسب الظروف يدخل لكن كدا كدا هيمتحن فى نفس اليوم اللى جاله فى الاخطار ماحدش يقلق 
10 - هل الامتحانات من النماذج بس ؟
الامتحانات من النماذج والمادة التدريبية وموجودين على الجروب 
11 - المنتدبين لمحافظات تانيه وعايزين يمتحنوا فى محافظاتهم ايه امكانية كدا ؟
مفيش مشكله المهم انهم ياخدوا موافقه من الاكاديمية فى المحافظة المنتدبين ليها 
12 - المعارين داخليا موقفهم من الترقيه ؟ 
المعارين لوزارات غير التربية والتعليم مالهمش ترقيه اما المعارين فى التربيه والتعليم يروحوا ونزلهم اخطارات 
13 - الاخطار مش مكتوب فيه الدبلومه التربويه هلى فيه مشاكل فى كدا ؟ لا مفيش 
14 - ايه الاوراق المطلوبة عند الاختبار الالكترونى ؟
مطلوب بطاقة اثبات الشخصية واطبع الاخطار اللى فيه المواعيد فقط 
15 - هل الامتحانات بتتغير من تخصص لاخر ولا واحده ؟
الامتحانات واحده للكل ومن المادة التدريبية والنماذج للكل 
16 - اين مكان وموعد التدريب او الاختبار ؟
نازل لكل معلم فى الاخطار على صفحته 
17 - لو معلم 2012 او 2011 لسه مااترقاش ومش نازله اخطار بيديله المستخدم مغلق يعمل ايه ؟
يتوجه الاكاديمية علشان يشوفوا حالته ايه 
18 - قرارات كام اللى هتترقى ؟ 
اللى متسكن على الكادر فى 2013 ومضى عليه خمس سنوات على راس العمل بالفعل 
19 - فيه ناس اتدربت قبل كدا مااترقتش لوجود نقص فى المدة ومش نازلهم اخطارات يعملوا ايه ؟
يتوجهوا للاكاديمية برضه علشان يعرضوا حالتهم 
20 - فيه معلمين اتدربوا قبل كدا ولكن لم يقبل ملفهم لاى سبب هل ينفع يقدموا اخطار التدريب اللى فات ؟
لا طبعا لان النظام اتغير لازم يروحوا حسب الاخطار اللى نزلهم ولان شهاده اجتياز الاختبار هى المطلوبة فى النظام الجديد 
21- هل ممكن اروح الاختبار وماروحش التدريب ؟ اه ممكن اهم شئ الاختبار 
22 - ماموعد تدريبات وجها لوجه فى القاعه ؟
كل معلم نزله الموعد الخاص بيه فى الاخطار يتوجه فى الموعد المحدد 
23 - هلى الامتحانات موحده على الكل فى نفس اليوم ؟ 
لا طبعا كل معلم على جهاز اللى جنبه غيره 
24 - اللى المدرسه ماسجلتلوش وبالتالى مانزلش ليه اخطار يعمل ايه ؟
كدا هو ماسجلش وكان مفترض يتابع كدا امله ضعيف جدا ينتظر التسجيل للدفعه القادمة ويتابع برضه الموقع بس زى ماقلت مادام ماسجلتش المدرسة صعب جدا 
25 - فيم المادة التدريبية ونماذج الاختبار ؟ 
كل المواد التدريبية والنماذج هناااا

26 هل اخطار الندريب مطلوب واللى هيدخل امتحان بس يجيب الاخطار ازاى ؟
الاخطار غير مطلوب ولكن المطلوب شهاده انجاز الاختبار الالكترونى لان النظام اتغير 

27 - اسمي نزل لكن هكمل الخمس سنوات 12/2019 وأخر ترقية لي 2011 وانا دفعة 1993بس كنت في إجازة التحاق بعائل ؟
تتوجهى حضرتك للاكاديمية لعرض حالتك

28 - المشرفين الاجتماعيين اللى اخدوا تدريب السنه اللى فاتت ولم يرقوا موقفهم ايه ؟
يتابعوا الموقع لان الاكاديمية الرئيسية هى المسئوله عن ترقيتهم وليس الاكاديميات الفرعيه

29 - أنا معلم خبير لغه انجليزيه من خمس سنوات وكل ما ادخل على صفحتى يقولى المستخدم مغلق افيدونى افادكم الله ؟
حضرتك تتوجه للاكاديمية لعرض حالتك ومعرفه الاسباب

30 - هل ينفع اخد رعاية الطفل بعد التدريب والاختبار او خلاله أللى وأخذ اجازه رعايه طفل. هتأثر ع ترقيته. ؟
ماينفعش تاخدى اجازة رعاية الطفل وهل هتأثر اه طبعا لازم من يترقى يكون على راس العمل ده شرط اساسى وبالتالى حتى صدور قرار الترقيه لازم تكونى شغاله والا ستقف ترقييتك ولن تترقي
31 - ملف الترقيه هقدمه امتا ؟
ملف الترقيه بعد انتهاء كل التدريبات والامتحانات يبدا تقديمه يوم 29 / 9 / 2019
32 - نسبة النجاح فى الاختبار كام ؟
 النتيجة اجتياز او عدم اجتياز وهتاخد شهاده بيها وماحدش يقلق ان شاء الله خير
سجل سيرتك الذاتيه واحصل على وظيفه مناسبه مع بيت كوم
  • التعليقات على الموقع >>>>>
  • تعليقات الفيس بوك
Item Reviewed: لجمبع المعلمين المرشحين للترقيه " سؤال وجواب " للاجابة عن كل تساؤلات المعلمين عن الترقيات والتدريبات والامتحانات ومحتواها Rating: 5 Reviewed By: هناء خيرى