6/01/2018

بالخطوات والصور - سجل لطفلك الكترونياً للصف الاول الابتدائى بجميع الادارات التعليميه هنا






كتبت / امانى الشريف 

ننشر بالخطوات طريقه التقديم الالكترونى للطلبه بالمدارس الرسميه والمتميزه للغات بمحافظة الجيزة وفقا للتالى : 
حيث يمكن لولى الامر التقديم بنفسه ولكن لابد من مراعاه عمل اسكرين شوت للكود والاحتفاظ به وطباعته 
الخطوات التفصيليه
١-الأول هتدخل صفحة التقديم 


٢_هتملى البيانات الرقم القومي الارقام بالانجليزي مش بالعربي 
٣_الإسم رباعي 
٤_القطاع يعني بداخله الإدارات التي تقدر تقدم فيها حسب سكنك 
٥_هتختار القطاع ازاي انا نزلت القطاعات وكل قطاع فيه الإدارات التابعه له 

٦_بعد ما تختار القطاع هتختار الإدارات التابعه له الأقرب لك علشان ما تدخلش في دوامه التحويلات ده لو ابنك سنه حلو وينفع في اي إدارة لكن لو سنه صغير قدم في الادارات كلها وخصوصا المعروف عنها بتاخد سن صغير يعني عادي قدم في أكثر من إدارة بداخل نفس القطاع 

٧_بعد ما بتختار الاداراه بيظهر مدارس الإدارة اختارهم بالترتيب حسب الأولويات لك وممكن عادي كلهم يبقوا مدرسه واحده انت مش عايز تشتت نفسك وسن ابنك كبير  ومناسب المدرسه اللي اختارتها 
٨_كمل بياناتك تليفونك عنوانك إيميلك 
٩_إضغط حفظ 
١٠_هيظهر لك كل حاجه انت سجلتها ومعاها كود احتفظ بيه واعمل اسكرين شوت للصفحه واطبعها وقت ما تفضى مش لازم تجرى دلوقتي ولا تروح سايبر مش مستاهله حاليا خدوها بهدوء
١١_وانتظر إن شاء الله على ١٥/٧نتيجه التنسيق تظهر واحتمال تتأخر علشان داخل في أيام التقديم العيد كل سنه وانتم طيبين بعد ما تسمع أن النتيجه ظهرت ادخل الموقع اكتب الرقم القومي في الاستعلام عن النتيجه وشوف ابنك قبل في إيه لو قالك لسه ما قبلش يعني سنه لسه مش جايب المدارس اللي حضرتك قدمت فيها انتظر التقديم التاني بعدها ب ١٥يوم وهكذا الجيزة بتوصل ل١٠تنسيقات 
المهم بعد ما يقبل إن شاء الله تحضر الورق اللي هيتكتب في الموقع وقتها وتروح المدرسة اللي اسمه نزل فيها وقدم الورق المدرسة قالت اسمه مش عندنا تروح الإدارة التعليميه تقولهم ابني قبل في النت وزعتوه فين هيقولوا لك بالظبط هتعمل إيه 
وكل سنه وانتم طيبين وعقبال لما تقدموا لهم في الجامعه بإذن الله 
بالخطوات والصور - سجل لابنك الكترونياً للصف الاول الابتدائى بجميع الادارات التعليميه هنا

بالخطوات والصور - سجل لابنك الكترونياً للصف الاول الابتدائى بجميع الادارات التعليميه هنا


بالخطوات والصور - سجل لابنك الكترونياً للصف الاول الابتدائى بجميع الادارات التعليميه هنا




سجل سيرتك الذاتيه واحصل على وظيفه مناسبه مع بيت كوم
اعلانك هنا
  • التعليقات على الموقع >>>>>
  • تعليقات الفيس بوك
Item Reviewed: بالخطوات والصور - سجل لطفلك الكترونياً للصف الاول الابتدائى بجميع الادارات التعليميه هنا Rating: 5 Reviewed By: هناء خيرى